Detaje të reja janë zbardhur lidhur me ngjarjen e rëndë të ndodhur më 8 prill në Tiranë, ku ish-drejtori i Policisë së Vlorës, Artan Cuku, u ekzekutua me 7 plumba përpara banesës së tij.
Bëhet fjalë për dëshminë që bashkëshortja e tij ka dhënë për grupin hetimor, i ngarkuar për zbardhjen e ngjarjes. Referuar një gazete të përditshme, mësohet se ajo nuk ka treguar shumë për autorin apo autorët e mundshëm, për shkak se nuk ka mundur t’i shohë pasi ka qenë brenda shtëpisë kur ka ndodhur ngjarja.
Në dëshminë e dhënë, ajo ka rrëfyer se bashkëshorti nuk mbante armë prej dy vitesh, si dhe momentin kur ka mësuar lajmin e vrasjes së tij:
“Tani nuk mbante armë prej 2 vitesh, as në brez as në makinë. Dëgjova krismat dhe thirrjet poshtë. U nisa të zbres poshtë dhe jam kthyer se kisha fëmijët vetëm. Por kam zbritur pas pak sekondash dhe e kam gjetur Tanin të vdekur.”, mësohet të ketë thënë ajo.
Ish-drejtori i Policisë së Vlorës, Artan Cuku, u ekzekutua nga dy persona më8 prill, nga persona ende të paidentifikuar.
(XH.A/SHUPLAKA)
Discussion about this post