Gazetarja e emisionit “Boom” në Ora News, ka arritur të marrë një deklarim të frikshëm nga një blektor shqiptar, i cili tregon se si rriten bagëtitë në fshatrat shqiptare për t’u tregtuar më pas tek qytetarët. Blektori flet për një lloj hormoni që u injektohet viçave dhe me plot gojën pohon: “Unë i q… nënën jo të ha me fëmijët nga ai mish. Më mirë hamë bukë me kripë.”
Por situata vazhdon të përkeqësohet dhe të rëndohet me një tjetër rast të ndodhur pak ditë më parë. Historia fillon nga një informacion i mbërritur në redaksinë e emisionit Boom ku denoncohet se në një thertore në Tiranë janë futur 106 kokë qingja të pamatrikulluar, që me pak fjalë do të thotë të pakontrolluar nga specialistët.
Pasi është pranuar fakti edhe nga pronari i thertores, edhe nga veterineri i bashkisë, është arsyetuar se qingjat kanë ardhur vonë dhe roja nuk i ka kontrolluar!!! Pasi informacioni mbërriti në ministrinë e Bujqësisë, inspektorët e dërguar prej saj vendosën: Eleminimin dhe groposjen e këtyre krerëve brenda 72 orëve.
Por si erdhën deri këtu këta qingja që fare mirë mund të dilnin në treg dhe të rrezikonin jetë njerëzish? Veterineri Marjus Daja që ka firmosur për transportimin e qingjave është përgjigjur në telefon dhe ka shpjeguar se ai nuk e dinte se ishin të pamatrikulluar sepse ishte natë dhe fermeri i kishte thënë se do t’i matrikullonte ai. Sipas tij është një gabim njerëzor. Madje edhe drejtori i bujqësisë i ka thënë që ka vepruar gabim, por mos të përsëritet më.
Nuk mbaron këtu. Në telefon u kontaktua edhe pronari i fermës së qengjave, i cili thotë se qingjat i ishin kthyer se ishin të pamatrikulluar, ndërkohë që ai më pas i ka matrikulluar për një ditë dhe i ka nisur sërish tek e njëjta thertore.
Për më tepër thotë që nuk e di si është ligji, por ama ka një biznes me nipt!!! Trilleri vazhdon në thertoren e Tiranës, ku pronari i saj mohon kategorisht të ketë marrë përsëri qingjat që kishte kthyer njëherë mbrapsht. Ai e hedh topin tek specialistët e Ministrisë së Bujqësisë që duhet t’i gjejnë.
Përveç habisë sonë, se si inspektorët e MB nuk e kanë ndjekur proçedurën deri në fund, përveç indiferencës dhe pandërgjegjes që hasëm tek njerëzit-pronarë për ruajtjen e shendetit të njerëzve të tjerë, pyetja 1 milionë dollarëshe është: ku shkuan qingjat?
Dëshmia tronditëse e fermerit
Blektori: Po e di ca do të thotë hormon apo jo?
Gazetarja: Po për viçin i përdorin apo jo?
Blektori: I përdorin posi jo bëhet viçi naaa, kur ta therrësh është tërë shkumbë brenda. Në një dasmë u shtruan të tërë në spital vetëm nga vici me mish me hormone.
Gazetarja: Ajo gjilpëra që i bën për sa e rrit vicin?
Blektori: Për 2 muaj, i merr 800 mijë lekë
Gazetarja: Ta leverdis?
Blektori: Ta leverdis se 16 mijë lekë është vaksina
Gazetarja: Ku blihet vaksina?
Blektori: Nëpër qendra që shesin mjekime per blektorinë
Gazetarja: Është e lejueshme?
Blektori: Jooo. Në qafë ja bëj unë. Ai sa vjen dhe fryhet. Për dy muaj ai bën 1 kv mish
Gazetarja: Dhe e shet 800 mijë lekë, ia vlen
Blektori: Ia vlen, ia vlen, por po na vdesin nipër e mbesa. Unë bukë e kripë e me qepë ha, këto nuk i ha se ja di vlerën.
Kjo është deklarata e një blegtori në një fshat shqiptar i cili tregon pa e ditur se po filmohej se çfarë mishi shitet në të vërtetë në shumë prej tregjeve të Shqipërisë.
