Presidenti turk Recep Tayyip Erdogan thotë se ka prova që tregojnë se koalicioni i udhëhequr nga Shtetet e Bashkuara të Amerikës ka ndihmuar terroristët në Siri, përfshirë ata të të ashtuquajturit Shteti Islamik (ISIS).
Duke folur nga Ankaraja, Erdogan tha se besonte që ata i kanë dhënë ndihmë një numri të madh grupesh militante, përfshirë degët kurde të ISIS.
“Na akuzonin neve se po mbështesnim Shtetin Islamik dhe tani rezulton se ata ndihmojnë grupe terroriste përfshirë ISIS, YPG e PYD. Gjithçka është shumë e qartë, kemi prova të konfirmuara, me foto e video”, kështu u shpreh Presidenti turk në një konferencë shtypi.
Sipas agjencisë ndërkombëtare të lajmeve “Reuters”, Erdogan shtoi gjihashtu se Arabia Saudite dhe Katari duhet të zhvillojnë një takim me Rusinë dhe Iranin për të diskutuar në përpjekjet për vendosjen e paqjes në Siri. (A.R/SHUPLAKA)
Discussion about this post