Kreu i PDIU Shpëtim Idrizi, i ftuar në emisionin “Të Paekspozuarit” të gazetarit Ylli Rakipi, ka deklaruar se nëse në qytetin e Vlorës do të dilnin 5 deputetë nga Partia Demokratike, ai do të jepte dorëheqjen.
“Dashamir Tahiri, mesa di unë është me Partinë Republikane në listën e PD. PD, në një qark ku ka prani të madhe të shqiptarëve te Çamërisë, vë të tretin Vangjel Dulen.
Dule ka fyer shqiptarët e Çamërisë, ndërsa Dash Tahirin e kam mbajtur me zor në parlament pasi donte të rrinte Vangjel Dulen. Partia Demokratike e ka vënë Dashamir Tahirin në listë të 5-in në Vlorë, pra jo fitues. Kjo pasi PD asnjëherë nuk i merr 5 deputetë pa PDIU-në. Nëse PD do të marrë 5 deputetë në Vlorë, atëherë unë e them publikisht që jap dorëheqjen nga politika”, tha Idrizi.
Më tej, ndërsa fliste për mandatet, Idrizi tha se pretendonte të fitonte 7 mandate në zgjedhjet e 25 qershorit.
“Ne do arrijmë të kemi një grup parlamentar, me 7 deputetë. Kjo është pritja jonë ne jemi fokusuar në Tiranë, Elbasan, Dibër, Tiranë, Durrës, Fier, Vlorë, Shkodër, Korçë. Unë nuk thashë që do i marr të gjithë këto por ne po punojmë fort në të gjithë territorin e Shqipërisë.
Përveç këtyre tradicionale, si rregull të gjitha partitë e tjera kanë dalë nga hatërmbetjet. PDIU nuk është e tillë por është nis në bazë të një kauzë që në gjithë rrugëtimin e vet, kujtoj se në 2004 shoqata ardhmëria kërkoi të bëhej një rezolutë në Parlament, janë rrahur disa anëtarë të komunitetit, kjo solli lindjen e PDIU-së.
Reforma administrative nuk kalonte pa 5 votat e PDIU. Pasi bëmë gjithë mundësitë, ishim pregatitur që interesi jonë të qe në Bsshkinë e Konisplot dhe të Himarës, pasi ishte fshirë, në e rikthyem pasi nga Greqia quhej si bashki minoritare.”, deklaroi Idrizi. (D.D/Shuplaka)
