Avokati Altin Goxhaj, është i ftuar në studion e televizionit Fax News, ku teksa komentoi aktualitetin në vend, u ndal edhe tek vrasja e 35-vjeçarit ekstremist grek, Kostantinos Katsifa, nga forcat RENEA, pasi ai qëlloi mbi policinë me breshëri.
Sipas Goxhajt, ky është një akt terrorist, dhe këtë e thotë edhe ligji.
“Ky është një akt terrorist, dhe kemi të bëjmë me një terrorist e në të tilla raste shteti grek duhet të ndihmonte autoritetet shqiptare.
Po të kishte thënë terrorist, Greqia do të tërhiqej menjëherë sepse nuk mund të mbante në kurriz një të tillë, madje po të ishte thënë terrorist edhe “Agimi i Artë” do ishte tërhequr.
Ai është terrorist, sepse sipas ligjit, thuhet që terrorist është ai që përdor forcën apo armët për përmbushjen e qëllimeve politike dhe që frikëson shoqërinë. A është politike thirrja e tij për Vorio-Epirin? Po është. E kështu ky ishte terrorizëm. Nëse do të ishte konsideruar i tillë, shteti grek do të kishte ofruar menjëherë ndihmë.”, tha ndër të tjera Goxhaj.
Goxhaj u shpreh se ky ishte Rama e Basha nuk e quajtën terrorizëm sepse ishte teatër për të shmangur vëmendjen nga të tjera gjëra. Marrëveshja e detit me Greqinë është ndër çështjet më kryesore.
“Edi Rama, Basha etj, nuk e bënë sepse ishte një teatër. Ishte një teatër për të shmangur vëmendjen nga të tjera gjëra”, – tha Goxhaj.
(B.B/ Faxweb.al)
Discussion about this post