Pas deklaratës së Bashkimit Europian, i cili ka rënë dakord me rekomandimin e Komisionit Europian për hapjen e bisedimeve me Shqipërinë, ka ardhur reagimi i ministrit të jashtëm grek, Nikos Kotzias.
“Shqipëria duhet të plotësojë 5 prioritete. Pika 49 e deklaratës ka të bëjë me gjyqësorin. Në paragrafin 50, lufta kundër korrupsionit dhe krimit. Në paragrafin 51, respektimi i të drejtave të pakicave. Të respektohen gjithmonë investimet greke. Pika 55, për marrëdhëniet e mira fqinjësore”, është shprehur kryediplomati i Athinës.
Ministrat e Jashtëm të vendeve anëtare të Bashkimit Europian kanë rënë dakort me rekomandimin e Komisionit Europian për hapjen e bisedimeve me Shqipërinë.
“Këshilli vëren pozitivisht rekomandimin e Komisionit për të hapur bisedimet e anëtarësimit me Shqipërinë, në varësi të një përparimi të besueshëm dhe të prekshëm në zbatimin e Reformës në Drejtësi, në veçanti të vlerësimit të gjyqtarëve dhe prokurorëve”, thuhet në deklaratën e Këshillit të ministrave.
http://faxnews.wpengine.com/vendet-anetare-te-be-se-i-thone-po-shqiperise/
