I ftuar në ‘Fax News’ deputeti i PD-së Oerd Bylykbashi thotë se për deputetët e opozitës nuk ka procedim penal por materialet janë referuar në prokurori
Ai tha se nëse do të shkohet aq larg me arrestime deputetësh kjo do të jetë një goditje për Edi Ramën pasi pakënaqësia popullore është rritur dhe me këtë Rama tghjeshtë do ti hedhë benzin zjarrit.
“Aktualisht ajo që dimë neve është bërë vetëm referimi në prokurori, nëse shkojnë aq larg me arrestime deputetësh, ndërsa Saimir Tahirin e lënë jashtë për të cilin edhe vetë Rama kishte thënë se tashmë nuk mund të fshihemi por ndryshoi qëndrim pasi i bëri presion Tahiri, le ta bëjnë, uroj që të shkojnë aq larg, le ta provojë të shkojë aq larg. Sot qytetarërt nuk janë pasiv, masa e pakënaqësië po rritet me shpejtësi shumë të madhe, arsyert nuk janë vetëm politike, biznesi i vogël po mbyll qepenin, po marrin gjoba, jemi parë mundësisë që të mbyllen me mijëra biznese që mbajnë mijëra familje, dhe në fakt përfitojnë të mëdhenjtë. Sa më shumë Edi Rama ti hedhë benzinë zjarrit të pakënaqësisë popullore aq më të vështirë do ta ketë ta përballojë, në fakt nëse na arreston është një lloj dekorate sepse jemi në krah të qytetraëve”, tha ai.
Bylykbashi tha gjithashtu se nesër ashtu siç është parashikuar do të protestojë biznesi i vogël i cili do të mbyllë dyqanet nga ora 11:00 dhe do të protestojë.
Bylykbashi duke iu referuar sistemit të drejtësisë tha se tashmë është kapur nga Rama, ai tha se prokuroria deri në këto moment është politike dhe hapja e hetimit për policët e Kukësit që ishin në protestë me vonesë nuk tregon asgjë. Sipas Bylykbashit qytetërve nuk u ka mbetur asgjë tjetër përveçse protestës, ndërsa shtoi se kanë rënë baklancat e pushtetit pasi Rama kontrollon Parlamentin por edhe prokurorinë, ndërsa tha se gjykatat janë nën preison të jashtëzakonshëm. (B.H/Faxweb)
