Bushati thumbon LSI-në nga Shkodra: Ne bazohemi në Kushtetutë, LSI ka tjetër pikëpamje

Nga qyteti i Shkodrës, ministri i Jashtëm, Ditmir Bushati, është shprehur se Partia Socialiste është e vendosur për të shkuar përpara, teksa u shpreh se ka përpjekje për destabilitet të vendit. Ai reagoi edhe ndaj deklaratave të LSI-së duke u shprehur se nuk ka pikëpamje të njëjta me PS-në.

Koordinatori i PS-së në këtë qark, tha se kjo parti nuk ushtron trysni ndaj askujt, ndërkohë që ndau mendimin se zgjedhjet duhet të zhvillohen më 18 qershor, duke respektuar kështu vullnetin e popullit.

“Ka një përpjekje për destabilitet të vendit por ne jemi të vendosur për të shkuar përpara. Ne nuk ushtrojmë trysni ndaj askujt. E kemi axhendën zhvillimore të qartë. Duhet të përfundojmë reformën në drejtësi. Qytetarët shprehin vullnetin e tyre çdo 4 vjet. Nuk jemi peng i askujt.

Për zgjidhjen e krizës, LSI ka një pikëpamje jo të njëjtë me ne. Pikëpamja jonë është e bazuar në Kushtetutë.

Ne kemi nje liste rekomandimesh nga OSBE- ODIHR për zgjedhjet dhe ne jemi te vendosur që ti kthejmë ato rekomandime në realitet ne funksion të një procesi zgjedhor model.”, u shpreh Bushati.

(XH.A/SHUPLAKA)