Analisti Andi Bushati ka qenë i ftuar mbrëmjen e sotme në emisionin “Të Paekspozuarit’, ku dhe ka komentuar deklaratat e ambasadorit amerikan, Donald Lu. Pak ditë më parë Lu tha 4 klane kryesore kontrolluar 20 familje kriminale në Shqipëri.
Në lidhje me këtë Bushati u shpreh se ndërkombëtarët e kanë rritur presionin ndaj Ramës, dhe sot po i tregojnë atij se nuk i kanë mbetur më alibi. Ndërsa theksoi se sa të jetë kryeministri Edi Rama në pushtet krimi do të rritet.
”Sa të jetë Edi Rama kryeministër krimi do të rritet”, tha Bushati.
Ndër të tjera Bushati tha se Rama dhe propaganda e tij përpara zgjedhjeve, fitoi kohë duke servirur kokën e Saimir Tahirit, për të thënë se ai vetë nuk është i lidhur me krimin, dhe prandaj largoi Tahirin.
“Rama edhe para zgjedhjeve fitoi kohë, bëri atë që bëri me Blendi Gonxhen në vitet 2000, sikur e prishte Gonxhe. Të njëjtën histori e bëri me Tahirin: ja unë e hoqa, por Sajmiri iku, dhe krimi është prapë aty. Tani ambasadori po i thotë timonierit nuk ke më alibi, ja ta falëm edhe Sajmirin tani përgjegjësia është vetëm e jotja. Këtu kemi thjesht banditë që përdoren nga politika për zgjedhje”, tha ai. (S.SH/Shuplaka)
\
