Gazetari Arian Çani ka bërë një deklaratë të fortë në studion e emisionit “Studio e Hapur” dhe fton të gjithë shqiptarët të mendojnë seriozisht për këtë.
Ai thotë se gjërat në Shqipëri po shkojnë gjithnjë e më keq, prandaj ka vendosur të largohet nga Shqipëria. Gazetari thotë se vendin e sheh pa prespektivë në një situatë kur kanabisi ka mbuluar gjithçka.
“Së shpejti nga ky vend do largohem, kush nuk e kupton që ky vend po shkon keq e më keq është naiv. Këtu nuk mund të rriten fëmijët. Ka ardhur momenti që njerëzit ta mendojnë seriozisht këtë”,- tha Çani.
Edhe pse gazetarja Eni Vasili nguli këmbë për vendin ku do të largohej, Çani nuk u përgjigj, por shtoi: “Do na duhen disa emisione të tjera për ta saktësuar këtë”.
Më pas ai iu drejtua Henri Çilit duke i thënë: “Mos ma merr si shaka…Arian Çani nuk ka asnjë përgjegjësi publike…Kjo është Ndjesia ime nga ato që shoh”.
Nuk dihet ende se pse gazetari i njohur i bëri këto deklarata dhe nëse janë të vërteta apo thjesht një ide për të mbështetur tezën se në këtë vend me paqëndrueshmëri politike dhe ekonomike nuk jetohet.
Kjo është hera e parë që Arjan Çani në publik bën një deklaratë të tillë, e për më tepër në televizion.
(M.D/ Shuplaka)
