Gazetari Arjan Çani në Studion e Hapur është shprehur se reforma në drejtësi është pjesë e një propagande të caktuar dhe se do të mbledhë të dhëna të paqena për njerëz të caktuar.
“Vettingu dhe reforma në drejtësi do jetë një sajesë, si në Serbi a ca vende të tjera të rajonit. Kjo është propagandë për një kohë të caktuar. Reforma do bëhet si në kohën e Hoxhës me prova fallso për të dënuar njerëz të caktuar”,-tha Çani.
Ndërkohë Fahri Balliu tha se ndaj ambasadores së BE-së Romana Vlahutin është hapur një padi në Bruksel.
Balliu ndër të tjera tha se Rama me fiksimin e tij për të mos ndryshuar datën e zgjedhjeve, tregon se ai kurrë nuk e ka dashur paketën McAllister.
“Fiksimi i Ramës për të mos ndryshuar datën e zgjedhjeve, tregon që kurrë nuk e ka dashur paketën McAllister. Rama nuk e ka dashur opozitën në zgjedhje dhe ka dashur të krijojë një opozitë si të dojë ai, si ato të vitit 1945, si ati i tij shpirtëror Edi Rama. Rama është vënë përballë një fakti që i zbulon të vërtetën.
Ai nuk mund të pranojë shtyrjen e datës dhe zbulon një të vërtetë të madhe, që mbështetja e ndërkombëtarëve që kishte nga klani i Vlahutin se s’është dukur kohët e fundit në Tiranë se është hapur një padi ndaj saj në Bruksel,” tha Balliu. (M.D/Shuplaka)
Discussion about this post