Presidenti i ardhshëm Ilir Meta, i ftuar në emisionin “Debat në Channel One” me gazetarin Roland Qafoku, ka folur për herë të parë më qartë dhe më ashpër se kurrë, lidhur me çështjen e kanabisit dhe kryeministrin Edi Rama.
Meta ka deklaruar se përgjegjësinë e mban vetëm Rama, mbi të gjitha për faktin se ka zgjedhur Tahirin në krye të ministrisë së Brendshme, pa marrë mendimin e askujt.
“Absolutisht LSI ka mbajtur të gjitha përgjegjësitë e saj, përgjegjësi për drogën ta mbajë Rama sepse zgjedhja e Tahirit si ministër i brendshëm ka qenë personale e tija, kur të gjithë Brenda PS por edhe LSI kanë shprehur pakënaqësinë. Edhe unë. Por ai tha se ai ishte i besuari i tij. Përgjegjësinë për drogën e ka vetëm Rama, asnjë përgjegjësi s’ka LSI, përgjegjësinë për futjen e personave me rekordeve në parlament e ka vetëm Rama, s’e ka LSI-ja.
Për çfarë të mbajë përgjegjësi LSI, për koncensionet?! Nuk mund të jepen fshehurazi, aty i keni të hapura. Janë dhënë në mënyrë të qartë për të gjithë ata që kuptojnë nga politika. Për Ramën gjithmonë përgjegjësinë e ka o Berisha, o Luli, o LSI-ja.”, tha Meta. (D.D/Shuplaka)
Discussion about this post