Punën e Adriatik Llallës në krye të Prokurorisë e ka quajtur të dështuar politologu Afrim Krasniqi. I ftuar në “Tonght Ilva Tare”, Krasniqi ka deklaruar se Llalla ishte i dështuar në mandatin e tij, ndonëse pritshmëritë për të ishin më të mëdha.
Përsa i përket replikave të ditëve të fundit mes Ramës-Bashës lidhur me ftesën për zgjedhjen e zëvendësuesit të Llallës, pas skadimit të mandatit, dje më 7 dhjetor ai u shpreh se kjo është një lojë politike.
“Unë e shikoj më shumë si një lojë politike se sa ngërc kushtetues. Po të kishjte debat secili nga aktorët e politikës mund të shfrytëzonte të drejtën për tju adresuar për interpretim gjykatës kushtetuese.
Nuk e kanë kundërshtuar sugjerimin e OBDAT dhe EURALIUS. Ajo ftesa e Ramës është më shumë një lojë. Dita që ai do largohet nga detyra do jetë lajm i mirë për shkak të një dështimi në mandatin e tij, me pritshmëri shumë të larta, njeri shumë i votuar dhe me mbështetje nga ndërkombëtarët. Në rastin e Llallës nuk mendoj se humbim ndonjë gjë të madhe.
Çështja është se kur do zgjidhet prokurori i ri, ajo është më e rëndësishmja. Kam frikë se do jetë produkt i një marrëveshje politike. Nëse ndodh kjo atëherë do shumëzojmë me zero gjithë procesin. Mazhoranca ka interes për negociata, kurse opozita jo. Kjo sepse mazhoranca po gjuan çdo njeri për të cilin opozita reagon që të mbledhë një sërë çështjesh për t’i diskutuar në tavolinë”, u shpreh Krasniqi.
(J.V/Faxweb)
