Gjatë vizitës së tij zyrtare në Beograd, ministri i Jashtëm rus, Sergey Lavrov ka thënë se nëse Shtetet e Bashkuara të Amerikës marrin pjesë në dialogun Kosovë-Serbi atëherë dhe Rusia do bëhet pjesë e negociatave.
“Lidhur me dialogun midis Beogradit dhe Prishtinës, ne, siç e kam përmendur, kemi shprehur besim te Bashkimi Europian. Nëse vendoset se Rusia mund të ftohet në rast se SHBA ftohet për të siguruar një qasje gjithëpërfshirëse për ndërmjetësimin, ne nuk do të qëndrojmë larg”, tha Lavrov.
Pak orë para vizitës së Lavrov, presidenti serb Aleksandër Vuçiç i dërgoi një ftesë zyrtare presidentit rus Vladimir Putin, për të vizituar Beogradin. B92 raporton se ftesa nuk është një veprim për protokoll por një kërkesë që Putin të tregojë fuqinë e Rusisë në Serbi.
“I nderuar Vladimir Vladimiroviç, pasi bisedimet konstruktive që kam zhvilluar me ju lanë një gjurmë të veçantë, kam kënaqësinë e veçantë të ftuar për një vizitë zyrtare në Serbi, ku ju jeni gjithmonë i mirëpritur si një një mysafir i privilegjuar dhe mik”, thuhet në letrën që u botua nga Tanjug.
(F.G/Faxweb.al)
Discussion about this post