Deklarata e fortë e Lu-së, Lubonja: Ambasadori amerikan të jetë më i qartë, duhet pyetur nëse ka informacione të reja

I ftuar në studion e lajmeve në Neës 24, analisti Fatos Lubonja ka komentuar sot deklaratën e amabsadorit amerikan Donald Lu për klanet dhe familjet mafioze që sundojnë vendin.

Lubonja thotë se Lu duhet të jetë më i qartë në deklaratat e tij dhe duhet pyetur nëse ky reagim vjen pas informacioneve të reja që ai ka grumbulluar, apo jo.

“Ne kemi pritur prej kohësh që ambasodori të ishte skeptik për shumë gjëra që ndodhnin në Shqipëri. Pyetja e parë që i duhet drejtuar ambasadorit është nëse ka informacione të reja që reagoi kështu.

Ne kemi qënë në një krizë kur PD hyri në çadër, ishte një lëvizje antisistem për arsye se pretendonte që s’mund të kishte zgjedhje të lira. Atëherë Lu dha mbështetje për institucionet, për zgjedhjet dhe tani e dëgjojmë në bisedë me studentët për të drejtën që ka populli të përmbysë qeverinë kur nuk përmbush pritshmëritë e tyre. Ambasadori Lu duhet të ishte më i qartë”,tha Lubonja. (B.H/Shuplaka)