Së fundmi kancelarja gjermane, Angela Merkel ka bërë një deklaratë të fortë në lidhje me Turqinë. Ajo ka deklaruar se dëshiron t’iu japë fund bisedimeve për anëtarësimin e Turqisë në Bashkimin Evropian.
Në një debat televizv me rivalin politik, Martin Schulz, Merkel tha se “është e qartë se Turqia nuk duhet të bëhet anëtare e BE-së”.
Më tej Merkel ka theksuar se do të bisedojë me liderët e tjerë evropianë për të vendosur nëse mund t’iu jepet fund bisedimeve të anëtarësimit, raporton Rel.
“Nuk e shoh Turqinë anëtare; nuk kam besuar kurrë se kjo mund të ndodhë”, tha Merkel.
Tensionet midis Berlinit dhe Ankarasë kanë nisur të përkeqësohen pasi Gjermania ka kritikuar fuqishëm presidentin turk, Recep Tayyip Erdogan, për shtypjen e disidentëve, pas përpjekjes për grushtshtet kundër qeverisë së tij, vitin e kaluar. (J.V/Shuplaka)
Discussion about this post