Deklarata e fortë e Ramush Haradinajt: Vetëvendosjes i ofrova postin e kryeministrit, ishte me shkrim

Kreu i AAK-së, Ramush Haradinaj është shprehur se  para zgjedhjeve i ka ofruar Lëvizjes Vetëvendosje postin e kryeministrit.

“Është mirë të vërtetohet edhe kjo që unë ia kam ofruar “Vetëvendosjes”, kryeministrin para zgjedhjeve, por nuk kanë dashur ta marrin. E kemi marrëveshje me shkrim. Gjashtë muaj para zgjedhjeve Vetëvendosja e ka pasur në tavolinë marrëveshjen për koalicion parazgjedhor”, tha Haradinaj.

Sipas Haradinajt “Vetëvendosja”  nuk ka qenë e gatshme për ndryshim, duke shtuar se nuk mban shpresë që t’i bashkohen në formimin e qeverisë.

“Ata e kanë fokusimin tek vetvetja, jo tek proceset në vend për këtë arsye edhe kam shkuar kësaj rruge që jam sot”, përfundoi Haradinaj. (J.V/Shuplaka)