Kreu i grupit parlamentar i Partisë Socialiste, Taulant Balla ka reaguar pas deklaratës së presidentit Ilir Meta se ekziston mundësisa e rishqyrtimit të datës së zgjedhjeve lokale për shkak të krizës politike në vend.
Balla ka zhvilluar takime me banorët e Belshit dhe Cërrikut në Qarkun e Elbasanit nga ku ka thënë se data 31 Maj është koha kur do të startojë fushata elektorale për zgjedhjet e 30 Qershoritdhe se duke shtuar se datën e zgjedhjeve nuk e luan as topi.
“Me 31 Maj starton fushata elektorale. Duhet të zhvillojmë një fushatë të qetë dhe të komunikojmë me njerëzit. Zhvillimi i zgjedhjeve me 30 Qershor është afat Kushtetues dhe nuk e luan topi”, tha Balla.
Më tej ai paralajmëroi se ata që do të përpiqen të pengojnë procesin zgjedhor do të përballen me forcën e ligjit.
“Kush do të tentojë të pengojë qoftë edhe një qendër votimi do të hasë në forcën e ligjit”.
(F.GJ/FAXWEB.AL)
Discussion about this post