Kreu i Partisë Bashkimi për të Drejtat e Njeriut, Vangjel Dule, ka reaguar një ditë pas deklaratës së ministrit grek të Mbrojtjes, i cili iu kundërpërgjigj Ramës mbi deklaratat mbi Çamërinë.
Duke e cilësuar Greqinë si avokatin integrues të Shqipërisë në NATO dhe Bashkimin Europian, ai i bëri thirrje kryeministrit Rama që të mos e eklipsojë rolin dhe kontributin që vendi fqinjë Greqia ka dhënë për Shqipërinë.
Referuar qëndrimit të qeverisë mbi raportet mes dy vendeve, kreu i PBDNJ-së theksoi se në BE nuk veprohet në mënyrë të njëanshme dhe PBDNJ do të punojë për të forcuar marrëdhëniet me Greqinë.
“Miqësia mes dy vendeve është e pandikuar nga politikanët. Nuk ka popuj si ne me fije kaq të shumta miqësie. Rama kërkon të eklipsojë rolin e Greqisë.”, deklaroi Dule.
Lidhur me zhvillimin e punimeve për anëtarësimin e vendit në BE, ai tha se Bashkimi Europian nuk vepron në mënyrë të njëanshme dhe ne nuk i kemi kryer detyrat e shtëpisë në nivelin e duhur. “Uroj të kemi vendim të dobi të vendit tonë.”, tha ai.
