“Më duhen 200 mijë shfaqje që të rekuperoj dëmin e një gome të djegur…”
Kjo ishte deklarata mediatike e tenorit Saimir Pirgu, e cila bëri jo pak jehonë gjatë ditëve të fundit për vet kontesktin e të thënurit. Të shumtë kanë qenë ata artistë që janë treguar të ashpër ndaj këtij reagimi, duke e konstestuar, por edhe të tjerë duke e mbështetur. Përveç postimeve të ndryshme në rrjete sociale, disa artistë kanë komentuar ekskluzivisht për FaxNeës, këtë deklaratë të tenorit Pirgu.
Artistja Irma Libohova, duke u shprehur në mënyrë kategorike kundër dhunës, thotë që nuk duhet ngatërruar asnjëherë poltika me artin. Sipas Libohovës cdo veprim jo qytetar padyshim që prish imazhin e Shqipërisë, por secili artist punon për të mbrojtur imazhin dhe kulturën e tij.
“Nuk duhet ngatërruar politika me artin. Besoj se çdo njeri përfaqëson veten e vet, dhe punën e vet, dhe nuk mund të futemi të gjithë në një vorbull. Veprimet që mund të bëjnë të tjerët mund të ketë një ndikim shumë anësor, shumë të skajshëm.Të gjithë artistët dinë të bëjnë ndarjen, nuk duhet ti përziejmë gjërat. Ai që bëjnë veprime të tilla përfaqësojnë veten e tyre, unë që këndoj përfaqësoj veten time.”
Nga ana tjetër regjisori dhe aktori Edmond Budina shprehet se protetat janë shenja qytetarie dhe se artistët duhet te jenë gjithmonë në opozitë me pushtetin ciltdo krah politik ti përkasë ky i fundit.
“ Protestat janë shenjë qytetarie, jam kundër dhunës, por nuk mund të shikojmë qimen në syrin e tjetrit dhe të mos shohim traun në syrin tonë. Artistët janë gjithmonë në opozitë me pushtetin, dhe kur artisti bëhet pjesë e politikës ai ka marrë fund”.
Edhe poeti dhe kompozitori Agim Doçi, shprehet se politika shkatërron gjithçka, mund të shkatërrojë dhe imazhin e artistëve.
“Politika shkatërron gjithçka, bën sponsorizime, bëjnë koncerte por artistët nuk përfitojnë. Artistët përfaqësojnë denjësisht Shqipërinë, vleresohen jashtë, ndërsa këtu nuk funksionon asgjë. Nuk funksionon as Ministria e Kulturës. Fitojnë me tepër sponsoret, sesa artistet. Arti buron nga populli dhe i perket popullit”– u shpreh Agim Doçi.
Ka pasur dhe të tjerë artistë që kanë reaguar në rrjete sociale ndaj deklara5tës së Pirgut duke e quatjur, politike, por vet tenori e ka mohuar një gjë të tillë.
“Kam qënë me Berishen me Nanon e me Ramen e te tjere si keta me kan ftuar e dekoruar.. Per fat te mir koha tregon se kush eshte gjithesecili , e beni mir te terhiqeni nga sharjet e ofendimet se un nuk jam virtut i politikave shqiptare por vetem i punes time “ shprehet tenori Pirgu.
Discussion about this post