Kryetarja e Lëvizjes Socialiste për Integrim Monika Kryemadhi ka reaguar ashpër pas deklarimeve të kreut të qeverisë për çmimet e ndërtimit të rrugëve e në mënyre të veçnatë të Unazës se Re.
Me anë të një postimi në rrjetet sociale Kryemadhi shprehet se kryeministri është injorant dhe u përpoq të mbrojë oligarkët, ndërsa shton se “Ky frikacak i pashembullt le të tregojë se në ç’vend të botës 2 km kushtojnë 40 milion euro, le të tregojë qartë projektin dhe firmat që përfitojnë nga ky palaçollëk”.
Postimi i plotë:
Kryeministri injorant, që librin e aritmetikës e ka mbyllur në klasën e katërt fillore, është përpjekur të mbrojë okigarkët e tij të babëzitur për çmimin stratosferik për ndërtimin e Rrugës së Unazës.
Ky frikacak i pashembullt le të tregojë se në ç’vend të botës 2 km kushtojnë 40 milion euro, le të tregojë qartë projektin dhe firmat që përfitojnë nga ky palaçollëk.
Dhe së fundmi një kujtesë, meqë dijepaku përmend manualin; manual në shqipe të pastër është doracak dhe në shqipen e përditshme është doracak në xhepat e buxhetit të shtetit, të atij buxheti që gllabërohet çdo ditë nga Edi Rama dhe klientët e tij.
(B.B/ Faxweb.al)
Discussion about this post