Deputeti i Partisë Demokratike Agron Shehaj ka reaguar lidhur me nje deklaratë të zv/kryeministrit Erion Braçe i cili u shpreh më herët se, djegia e mandateve nga ana e deputetëve të opozitës bëhet sipas numrit dy te qeverisë, për të penguar Reformën në Drejtësi.
Deputeti Shehaj i është përgjigjur kësaj akuze duke thënë se, “Braçe duhet të shqetësohet për shokët dhe për partinë e tij qe do përfundojnë keq. Sa për ne demokratët, tashmë jemi pa imunitet!”
Sipas Shehajt, demokratët dorëzojnë mandatet sepse u faktua korrupsioni prej 30 milion eurosh dhe dolën përgjimet e blerjes së votave, por sipas tij askush nuk u arrestua.
Statusi i plotë i Agron Shehaj:
Po dorëzojmë mandatet sepse u faktua mega korrupsioni prej 30 milionë eurosh dhe dolën përgjimet e blerjes së votave. Por askush nuk u arrestua.
Rama, Gjiknuri, Dako, Sejdini, Balla, Ahmetaj dhe gjithe kupola e PS-se është e lidhur me krimin dhe e zhytur nelë korrupsion. Nxjerrja e tyre para drejtesise është prova e SPAK-ut.
Braçe duhet të shqetësohet për shokët dhe për partinë e tij qe do përfundojnë keq. Sa për ne demokratët, tashmë jemi pa imunitet!
(F.GJ/FAXWEB.AL)
