Deklarata për Presidentin e përbashkët, Rama “shfajësohet”: Fjali e lirë, vrapova me imagjinatë

Pas deklaratës së bujshme për një president të përbashkët Shqipëri-Kosovë, Kryeministri Edi Rama, në një prononcim për TCH ka sqaruar artikullimin e tij.

Rama ka thënë se fjalia është shkëputur nga konteksti dhe nuk ka qenë as program, as ide dhe as deklaratë.

Rama ka theksuar se me rastin e Pavarësisë ai ka dashur të vrapojë me imagjinatë.

 “Nuk bëra asnjë deklaratë. Një fjali e lirë u shkëput nga konteksti dhe kthye në një program politik.

Në fjalën e atij rasti, i lejova vetes që të vrapoj me imagjinatë, se si mund të jetë 20-vjetori i Pavarësisë së Kosovës. Është sport kombëtar, por edhe ndërkombëtar, që shkëputet një fjali nga konteksti dhe pastaj bëhet një histori. Por besoj se askush nuk më ndalon të imagjinoj.

Sa i përket pastaj artikulimit, se si kjo mund të ndodhë nga ana legjislative imagjinata ime nuk ka shkuar deri aty”, ka deklaruar kryeministri Rama.

(F.G/Faxweb.al)