Mbrëmjen e djeshme nga shtëpia më e famshme në Shqipëri, “Big Brother” u largua çifti Ervini dhe Sidrita. Në nominim ishin edhe çiftet Benard-Xheni, Damiano-Armela dhe Olsi-Fiorentina.
Por me të mbërritur në studio, përballë Arbana Osmanit dhe dy opinionistëve, Big Bastës dhe Vesa Lumës, Ervini dhe Sidrita janë pyetur për motivet që mendojnë se i nxorri nga shtëpia.
“Ndoshta njerëzit nuk e vlerësojnë atë që është e vërtetë”, ka thënë Ervini. Më tej ish-banori i “Big Brother” ka dhënë një deklaratë të fortë duke thënë se, “Damiano është lodër e “Big Brother” dhe në kontratë, ku shpjegohej se si do të bëhej loja nuk ishin këto gjëra, që do provokoheshim deri në ekstrem, të na prekin nga familja”.
Por sipas Big Bastës fajtore për eliminimin është Sidrita dhe historia e saj jashtë shtëpisë. Pasi banorja e konsideroi Ervinin si trofeun e saj. “Ia humbe trofeun tat trofeun me historinë e fundit. Mendoj se është problemi yt Sidrita”, tha Big Basta. (J.V/Shuplaka)
Discussion about this post