Analisti Preç Zogaj mendon se deklaratat e forta të deputetëve të PD-së, Majlinda Bregut dhe Eduard Selamit janë bërë jashtë kohës. Në studion e “ABC News”, Zogaj tha se t’i kërkosh PD-së të marrë pjesë në zgjedhje do të thotë ta fusësh vendin në rrugë pa krye.
“Kundërshtitë e Majlindës dhe Eduard Selamit janë në kohën kur ka mbaruar afati ligjor i regjistrimit të kandidatëve. Edhe në kontekstin e debatit që mund të provokonin brenda PD për të marrë pjesë apo jo në zgjedhje nuk kanë vlerë. Aktualisht jemi në atë fazën e lëmoshës 48 orëshe të Ramës që ka shkelur vetë kodin zgjedhor për regjistrimin e kandidatëve. Në një numërim që edhe një fëmijë i numëron që 50 ditë deri në zgjedhje fillon në datë 28, këta e kane shtyrë në 29 se për këta ligji s’ka asnjë vlerë. Jemi në fazën e “lëmoshës Rama”. Ti kërkosh PD në këtë segment jashtë ligjor pjesëmarrje në zgjedhje domethënë ta fusësh debatin në rrugë pa krye”, tha Zogaj
Më tej Zogaj ka theksuar ka njerëz që kanë pasur mendime ndryshe me mendimet e Bashës edhe përsa i përket linjës politike.
“Nëse këto kundërshti do ishin konsumuar që në fillim, vijoi ai, që kur ka nisur kjo protestë, ka pasur njerëz që kanë pasur mendime ndryshe me mendimet e Bashës, apo me linjën zyrtare të partisë, si është ai për vetingun, ka pasur zëra që kanë kërkuar vazhdimisht që të votohet e para vetingu, sikur ka pasur edhe zëra që Topalli ka thënë të shkojmë në zgjedhje”, u shpreh Zogaj. (J.V/Shuplaka)
Discussion about this post