Pas deklaratave të eurodeputetes qipriote Eleni Theochoraous në Tiranë, ku u shpreh se “ndodhej ne Vorio-Epir”, ka reaguar historian shqiptar, Arben Llalla.
Sipas Llallës, ajo shoqërohej nga grekofonë, anëtarë të organizatës terroriste MAVI, si Fredi Dionis Beleri.
Lllalla shton se prej vitesh janë stërvitur në Qipro elementë që duan destabilizimin e Shqipërisë.
“Kjo është eurodeputetja qipriote Eleni Theocharous që foli në Tiranë për tokën e shenjtë greke në jugun e Shqipërisë. Eleni është qeflije e madhe e internetit, ajo disponon mbi 7 adresa Facebook-u. Por kush e shoqëronte Elenin në Tiranë? Atë e kanë shoqëruar grekofonët anëtarë të organizatës terroriste MAVI si Fredi Dionis Beleri. Në Qipro prej 40 vitesh janë stërvitur grupet diversante greke dhe rreth 100 minoritar greke pas viteve 1990 janë stërvitur atje për destabilizimin e Shqipërisë”, shkruan historian Arben Llalla.
Eurodeputetja qipriote, Eleni Theocharous, deklaroi nga Tirana se, “gjendem mes greqizmit të Vorioepirit, i cili prek këto toka të shenjta të një vendi grek të lashtë, që ka ngelur jashtë kufijve të shtetit grek”.
Deklarata e saj erdhi teksa merrte pjesë në takimin “Jo grabitjes së pronave, pro zhvillimit dhe integrimit në BE”, organizuar nga PBDNJ, Organizata Omonia, Aleanca për Mbrojtjen e Pronës së Bregdetit, Bashkimi himarjot i Amerikës dhe Bashkimi himarjot i Athinës.
Discussion about this post