Kreu i Grupit Parlamentar të LSI-së Petrit Vasili ka folur për mediat pas mbledhjes së deputetëve të LSI-së.
Duke iu referuar deklaratave të bëra sot nga ambsadori Lu, Vasili u shpreh se ai u tregua mjaft i kujdesshëm për të mos përmendur emrin e kryebanditit.
“Së pari dua t’iu informoj se grupi mbështet nismën e deputetit të Dibrës Spahiu për statusin e minatorit, një nismë kjo që do të komunikohet nga vetë deputeti në dalje për mediat.
Gjithashtu Grupi i LSI-së shqyrtoi me shumë vëmendje qëndrimet e ambasadorit Lu, sidomos për çështjet që kanë të bëjnë me krimin e organizuar dhe punën jo me efikasitetin e duhur ndaj bandave. Ndajmë të njëjtin shqetësim me të. Ne kemi debatuar fort, dhe për këtë arsye zonja Kryemadhi i është drejtuar ambasadorëve për çështjen e Vetingur.
Kjo pasi një drejtësi e kapur nuk mund të kap dot bandat. Debatuam fort edhe në sallën e Kuvendit, u jemi drejtuar publikisht ambasadorëve. Duam të çlirojmë vendin dhe drejtësinë, të mos ushqehet krimi, krimi nuk mund të luftohet sa kohë që drejtësia është e kapur.
Është akoma në kohë që të rishikohen vendimet e paturpshme nga ana e mazhorancës, nuk ka më kohë për të heshtur, ndryshe pushteti do të mbetet në dorë të bandave. Ambasadori pati kujdes që të mos përmendte emrin e kryebanditit, po që ju e dini se kush është, është ai që nuk inkurajon Policinë e Shtetit që të bëjë punën e saj, po e vendos në shërbim të zgjedhjeve”, u shpreh Vasili.
(E.K/SHUPLAKA)
Discussion about this post