Deklaratat e Ramës për mjekët, Bardh Spahia: Zot na ruaj!

Deputeti demokrat Bardh Spahia ka reaguar në lidhje me atë që po ndodh me sistemin e shëndetësisë në vendin tonë.

Duke iu referuar deklaratave të Ramës për mbërritjen në Burrel të mjekëve nga Tirana, Spahia thotë se vetëm ky nuk është sukses.

REAGIMI I SPAHISË:

Nese lajmin e patronazhit te mjekeve te Maternitetit ne Spitalin e Burrelit e quajme sukses, atehere Zot na ruaj!

Nuk mund te quhet kjo nje arritje! Kjo eshte nje hap me shume drejt ç’organizimit total edhe per ato mundesi qe mund te ofrojme ne Qsut e Maternitete.

Edhe Dibra e rrethet e tjera qe vuajne mungesen e specialisteve obsteter gjinekologe po ngrene zerin per specialiste, por kjo forme e ashtuquajtur patronazh nuk ndihmon aspak ne shtatzanite me probleme qe kerkojne ndjekje te vazhdueshme, nuk lehteson situatat ne lindjet premature sepse mungon mjeku neonat. Pra dhe pse mjeket iken ne Burrel serisht vijne paciente nga Burreli per ne Tirane.

Nga kontaktet e vazhdueshme me kolege kam informacion qe ka perpjekje nga ana e mjekeve per ta refuzuar ne grup kete patronazh, duke pasur pikesepari ne plan te pare interesin dhe shqetesimin per jeten e nenes dhe femijes, por nuk kane mundur te artikulohen haptazi te gjendur perballe presionit te madh te urdhrit te orkestruar kryeminister – ministre e shendetesise .

Te nderuar miq! Shendetsia falas nuk ngjizi! Ajo nuk mund te ngjize, eshte megadeshtim. Vetem reformat e djathta, spitalet nderrmarje, siguracionet shendetsore fleksibel publik-privat jane zgjidhja! Zgjidhja eshte largimi i Edvin Rames!

(E.K/FAXWEB)