Pas deklaratave të disa nga deputetëve demokratë që janë shprehur kundër bojkotit të Parlamentit mësohet se do të ketë një mbledhje urgjente të grupit.
Mbledhja është parashikuar të mbahet rreth orës 18 e 30 dhe pjesëmarrja është e detyrueshme. Basha në protestën e tij sot nga çadra nuk i komentoi deklaratat e deputetëve demokratë dhe mesa duket për t’i dhënë fund zërave ka njoftuar mbledhjen e forumeve.
Duhet thënë se nga fillimi i protestës Bregu, Selami dhe Topalli janë shprehur kundër mbajtjes së saj dhe reagimi dje ishte i pritshëm.
Edhe më parë Topalli ka deklaruar se Partia Demokratike në vend që të ishte në protestë duhet të ishte duke bërë fushatë në zonat elektorale.
Ç’NDODHI DJE:
Ishte fillimisht Bregu ajo që në një status të gjatë në rrjetet sociale shprjegonte qëndrimin e saj kundër Bashës. Nga ana tjetër Eduard Selami në një intervistë për Zërin e Amerikës deklaroi se bojktoi është i dëmshëm për PD-në dhe se Basha ka përdorur çadrën në favor të tij.
Më e rezervuar ka qenë Topalli e cila n ënjë prononcim për ‘’ReportTv’’ është shprehur se ka tre javë që i kërkon Bashës mbledhjen e Grupit Parlamentar.
Ndoshta tashmë ska më kohë, PD-së i kanë skaduar të gjitha afatet për të qenë në zgjedhje dhe reagimi i zërave kundërshtarë brenda vetes ishte i pritshëm.
“Kam vënë re që zoti Basha e përdori çadrën jo më për një protestë paqësore por fatkeqësisht me një retorikë populiste e përdori për të anashkaluar institucionet dhe bojkotuar parlamentin në një moment të rëndësisht që është reforma në drejtësi që është ishte e lidhur me rrugën e integrimit të vendit. Dhe kjo me një retorikë të paprecedentë që është mjaft e dëmshme për PD-në, Shqipërinë dhe çështjen shqiptare”,- tha Selami.
