Ministri Jashtëm i Kosovës Enver Hoxhaj ka zbuluar jo pak nga marrëdhënia mes Shqipërisë dhe Kosovës. Në një intervistë në ‘’Zona e DEBATIT’’, Hoxhaj ka folur edhe për vi;zitën e Ramës në Beograd. Rama jo pak ishte kritikuar pse gjatë vizitës në Serbi kishte ngritur ccështjen e Trepccës.
Por, ai, më shumë se njëherë, kishte dhënë shpjegimin se këtë çështje e përmendi për faktin se në portalet e Serbisë vazhdimisht shihte tituj me; “Trepça, Trepça, Trepça”.
Por, një tjetër shpjegim për përmendjen e Trepçës nga Edi Rama ka dhënë ministri Hoxhaj, sipas ‘’Zërit’’.
Ai ka pranuar se ka pasur një bisedë paraprake mes palës kosovare dhe kryeministrit Rama për Trepçën.
Hoxhaj këtë e ka thënë duke argumentuar se akordohen dhe kanë komunikim ditor me Shqipërinë – madje të shkëlqyeshëm.
Duke folur, përsëri, për vizitën e Ramës në Beograd, Hoxhaj tha se “koordinim ka pasur, ka dhe do të ketë”.
“Natyrisht. Kosova është shtet dhe i pavarur, por koordinimi me Shqipërinë është ditor dhe i shkëlqyeshëm”.
Gjithsesi, ministri kosovar e pranoi se ka pasur një shqetësim për “shpejtësinë me të cilën po lëviz Shqipëria me Beogradin”. (E.K/SHUPLAKA)
Discussion about this post