Ata janë padyshim dy nga liderat kryesorë që drejtojnë sot botën. Nën drejtimin e Gjermanisë dhe Amerikës duket se Trump dhe Merkel kanë nën kontrollin e tyre të gjitha lëvizjet e politikave ndërkombëtare.
Ndërkohë që ende nuk ka patur derimë tani një takim mes tyre dhe kjo pritet të ndodhë më 14 mars. Të paktën kështu thanë zyrtarët gjermanë. Takimi, i parë zyrtar mes tyre, do të mbahet në Uashington.
Presidenti i ri amerikan që mori detyrën më 20 janar, Merkel ka folur fuqishëm në favor të politikave që Trump i ka kundërshtuar. Merkel ka kundërshtuar deklaratat e Trumpit se NATO është një “aleancë e vjetëruar”, duke thënë se “sfidat e botës sonë sot nuk mund të menaxhohen nga ndonjë shtet individual”.
Kancelarja ka folur ndër të tjera në favor të agjendës së tregtisë multilaterale, të cilën Trump e ka vënë në pikëpyetje. Ajo po ashtu ka thënë se “bashkëpunimi i ngushtë” midis Uashingtonit dhe Evropës duhet të bazohet në “vlera të përbashkëta”, përfshirë demokracinë, lirinë dhe respektin për të drejtat dhe dinjitetin e secilit individ.
Gjatë fushatës zgjedhore më 2016, Trump e ka cilësuar politikën e Merkelit për dyer të hapura për migrantët si “të çmendur”. (E.K/SHUPLAKA)
Discussion about this post