Avokatët e ish-presidentit Hashim Thaçi, Gregory Kehoe, Joe Reeder, “Greenberg Legal Associates” dhe anëtarët e kësaj kompanie, kanë kërkuar të tërhiqen nga mbrojtja e tij në Gjykatën Speciale.
Ata kanë deklaruar se shkaku i kësaj kërkesë është moskryerja e detyrimeve ndaj tyre, duke theksuar se ish-presidentit i është dhënë një paralajmërim paraprak.
“Z.Thaçi nuk ka përmbushur detyrimin ndaj Gregory Kehoe, Joe Reeder, Associates Greenbuerg Legal dhe anëtarëve të ekipit mbështetës dhe z.Thaçit i është dhënë një paralajmërim i arsyeshëm se do të kërkonin përfundimin nëse nuk u është përmbushur detyrimi”, thuhet në njoftimin e Dhomave të Specializuara.
