Ish-ministri i Drejtësisë ka reaguar menjëherë pas dekretimit të Fatmir Xhafajt si ministër nga ana e Presidentit të Republikës së Shqipërisë, Bujar Nishani.
Duke shfaqur haptazi qëndrimin e tij kundër, ai shprehet në reagimin e tij në “Twitter” se e gjithë kjo është dështim i sistemit politik dhe kushtetues.
Në reagimin e tij të shkurtër, ish-ministri i Drejtësisë u kujton ministrave se do të votojnë një ministër të akuzuar për shkulje thonjsh.
“E akuzojnë për shkulje thonjsh, jo për mani(pedi)kyr dhe e emërojnë Ministër të Brendshëm! Dështim i sistemit politik dhe kushtetues!”, shkruan Manjani.
Dekretimi i Xhafajt vjen një ditë pasi Nishani deklaroi se Xhafaj ishte i papërshtatshëm për postin e ministrit të Brendshëm, por ai nuk mund të mos e dekretonte në atë detyrë.
(XH.A/SHUPLAKA)
