Dekretimi i Visho Ajazit, Presidenca: Do të bëhet pasi të paraqitet në Komisionin e Jashtëm parlamentar

Burime nga Presidenca sqarojnë se dekretimi i Visho Ajazit në Nato do ndodh menjëherë pas paraqitjes se tij në Komisionin e Jashtëm parlamentar. Po kështu Presidenti Meta beson se Visho Ajazi do ta realizojë më shumë sukses detyren e tij në Nato.

 Sjellim në vëmendje që ditën e sotme  Presidenti Ilir Meta ka dekretuar ditën e sotme lirimin nga detyra të ambasadorit të Shqipërisë në NATO, Leonard Demit. Në vend të tij, kryeministri Rama ka propozuar Visho Ajazin, i cili u dorë hoq nga kreu i SHISH. 

DEKRETI I PRESIDENTIT
DEKRET PËR LIRIM AMBASADORI NGA DETYRA
Në mbështetje të nenit 92, shkronja “dh”, nenit 93 të Kushtetutës, si dhe të nenit 26, të ligjit nr. 23/2015 “Për shërbimin e jashtëm të Republikës së Shqipërisë”, me propozim të Kryeministrit,
Dekretoj:
Neni 1
Zoti Leonard Demi, lirohet nga detyra e ambasadorit të Jashtëzakonshëm dhe Fuqiplotë të Republikës së Shqipërisë në NATO, rezident.
Neni 2
Ky dekret hyn në fuqi menjëherë.
Nr. Dekretit 10677
Tiranë, më 05.12.2017
PRESIDENTI I REPUBLIKËS, ILIR META
(J.V/Faxweb)