Prej ditëesh Rumani është përfshirë në protësta kundërqeveritare. Rreth 250 mijë rumunë mendohet të kenë dalë në rrugë, ndërkohë që dje ishte dita e katërt e këtyre manifestimeve.
Arsyeja e protestës së tyre është bërë një dekret qeveritar që synon dekriminalizimin e disa veprave penale që lidhen me korrupsionin. Dekret i cili shihet si një hap pas nga reformat në të cilat prej vitesh është future vendi si pasojë e integrimit në Bashkimin Europian.
Dekreti u miratua nga qeveria e re Social Demokrate e kryeministrit Sorin Grindeanu. Protesta është mbajtur vec Bukureshtit edhe në 55 qytete të tjera ku besohet se u përfshinë nga 100,000 të 150,000 pjesëmarrës. Disa qindra protestues u përleshën me policinë duke hedhur fishekzjarre dhe gurë ndaj tyre. Protestuesit mbanin në duar parulla “Shfuqizojeni ose largohuni”, “Hajdutë, hajdutë.
Dekreti i qeverisë mbyll gjyqin ndaj liderit të partisë Social Demokrate Liviu Dragnea, i akuzuar për përdorimin e ndikimit të tij politik për të siguruar pagat shtetërore për dy njerëz që punuan në selinë e partisë së tij mes të 2006 dhe 2013. Dhjetra figurave të tjera politike nga të gjitha palët do të përfitojnë nga dekreti. Dy partitë opozitare, Liberalët e qendrës dhe Save Romania paraqitën një mocion mosbesimi të mërkurën kundër qeverisë. Ndërsa parlamenti u hap për seancën e parë të rregullt të këtij viti, deputetët e opozitës mbanin parulla ku lexohej “turp” dhe “hajdutë”. (E.K/SHUPLAKA)
Discussion about this post