Zbatimi i ligjit të dekriminalizimit do të rrisë mandatet e mazhorancës me një deputet. Dy deputetët që do ti nënshtrohën këtij ligji janë Dashamir Tahiri, i mandatuar nën logon e Partisë për Drejtësi dhe Unitet në qarkun e Vlorës, por që gjithë veprimtarinë e tij parlamentare e mbështeti te Partia Demokratike, duke qenë në opozitë me qeverinë.
Në vend të tij do të zgjidhet Edmond Zejno, duke e çuar numrin e mandateve të PD-së në 44. Ndërkohë që edhe deputeti tjetër i LSI-së Shkëlqim Selami i mandatuar po në Vlorë do ti hiqet mandati, por numrat nuk ndryshojnë për partinë e Metës pasi listës do ti shtohet një kandidat për deputet që ka qenë një vend më poshtë në rradhë.
KQZ-ja tha dje se, edhe pse Prokuroria mund të propozojë heqjen e mandatit për një deputet apo të zgjedhur vendor, vendimmarrja për këtë propozim është ekskluzivitet i Komisionit Qendror të Zgjedhjeve. Nga momenti i depozitimit të këtij propozimi nga Prokuroria e Përgjithshme, KQZ ka 10 ditë afat për të vendosur nëse do t’ua heqë ose jo mandatin deputetëve Tahiri e Selami dhe kryetarit të Bashkisë së Kavajës, Elvis Rroshi. (E.K/ SHUPLAKA)
Discussion about this post