Një deklaratë e fortë është bërë Live në emisionin “Opinion” nga përfaqësuesja e Prokurorisë së Përgjithshme, Rovena Gashi.
Duke ndërhyrë në emision, i cili ka të bëjë me temën e Dekriminalizimit, ajo u shpreh se “ka deputetë të tjerë që po verifikohen nga Prokuroria në kuadër të ligjit në fjalë.
Sa i përket deputetit të Vlorës, Eduart Selami, i cili rrezikon të humbasë mandatin pikërisht për shkak të këtij ligji, por që tha në emision se ka marrë pafajësinë, Gashi tha: “Z.Selami nuk ka marrë pafajësinë. Atij i është parashtruar ekzekutimi dhe ndjekja penale. Që nga momenti që ka kryer veprën penale, ka kaluar një periudhë shumë e gjatë dhe autoritetet italiane nuk kanë pasur më interes ta ndalojnë dhe të vazhdojnë procedurën hetimore ndaj tij”.
Nga hetimi i pak ditë më parë i Prokurorisë së Përgjithshme dolën edhe emrat e tre politikanëve të lartë që rrezikojnë humbjen e mandatit të deputetit dhe kryebashkiakut për shkak të ligjit të Dekriminalizimit. Ata janë Eduart Selami, Dashamir Tahiri dhe Elvis Roshi. (A.R/SHUPLAKA)
