Prokuroria e Përgjithshme i ka bërë thirrje 8 zyrtarëve, 6 deputetë dhe 3 kryebashkiakëve që të japin shenjat e gishtërinjve, kjo në sajë të hetimeve për dekriminalizimin.
Ndërkohë sektori i dekriminalizimit në Prokurorinë e Përgjithshme iu ka kërkuar këtyre pesë deputetë të paraqiten brenda 5 ditë në Institutin e Policisë Shkencor. Në këtë mënyrë ata do të japin shenjat e gishtave me qëllim që të krahasohen me të dhënat që disponon deri në këto momente prokuroria nga institucionet ligjzbatuese të vendeve të huaja. Po kështu për këtë gjë është vënë në dijeni edhe Kuvendi i Shqipërisë.
Deputetët në hetim:
1-Aqif Rakipi (PDIU)
2-Omer Mamo (PDIU)
3-Ledion Rehovica (LSI)
4-Mhill Fufi (PD)
5-Artan Gaci (PS)
Kryebashkiakët në hetim:
1-Kryebashkiaku i Pogradecit Eduard Kapri (PD)
2-Kryebashkiaku i Poliçanit Adriatik Zotkaj (PS)
3-Kryebashkiaku i Tepelenës Tërmet Peçi (PS)
Sot oficerët gjyqësorë janë paraqitur pranë Komisionit Qendror të Zgjedhjeve në kuadër të hetimeve për dekriminalizimin nga ana e Prokurorisë së Përgjithshme për deputetë apo dhe kryetarë bashkish që kanë shkelur ligjin. Oficerët gjyqësorë do të sekuestrojnë dokumentet të KQZ lidhur me emrat që ata po hetojnë.
Po kështu sipas një portali online prokuroria ka dyshime se KQZ ka kryer shkelje, pasi ka pranuar që shumë deputetë të plotësojnë formularin e vetëdeklarimit jashtë afatit të përcaktuar. Në sajë të dekriminalizimit Prokuroria e Përgjithshme po heton një numër të madh deputetësh, ndërsa disa prej tyre u është hequr mandati. Këtu përmendim rastin e Dashamir Tahirit, Shkëlqim Selamit si dhe kryebashkiakut Elvis Rroshit. Ndërkohë, rasti i Armando Prenges është i diskutueshëm. (J.V/Shuplaka)
Discussion about this post