Kryekomisari i Dibrës Beqir Doci, ka dalë në pension. Me këtë rast, në një aktivitet të organizuar në ambientet e Drejtorisë Vendore të Policisë Dibër, drejtori i Përgjithshëm i Policisë së Shtetit Haki Çako, e ka vlerësuar me “Certifikatën e Karrierës”.
“Drejtori i Përgjithshëm i Policisë së Shtetit Drejtues Madhor Haki Çako, i akordon Kryekomisar Beqir Doçi, CERTIFIKATËN E KARRIERËS, me motivacionin “Përmerita të veçanta dhe kontributin e dhënë gjatë viteve të punës në shërbim të Policisë së Shtetit”.”, thuhet në njoftimin për shtyp të policisë.
Gjatë ceremonisë të organizuar ditën e sotme, ka qenë zëvendësdrejtori i Policisë Dibër, Adriatik Tafçiu i cili i ka dorëzuar zotit Doçi , “Certifikatën e Karrierës” të akorduar nga Drejtori i Përgjithshëm i Policisë së Shtetit.
Zvdrejtori i Dibrës Adriatik Tafçiu, në emër edhe të Drejtorit të Përgjithshëm të Policisë së Shtetit, si dhe të Drejtorit të Drejtorisë Vendore të Policisë Dibër Edmond Tarkaj, i ka uruar oficerit të karrierës, zotit Doçi pension të mbarë, mirësi e shëndet gjatë viteve të mbetura të jetës.
Tafçiu ka vlerësuar punën, kontributin dhe sakrificën 46 vjeçare të Beqir Doçit në radhët e Policisë së Shtetit, i cili e ka nisur punën si punonjës i rolit bazë duke u ngritur në gradë gjatë viteve, falë përkushtimit, rezultateve e ndershmërisë në punë, ku tashmë mban gradën Kryekomisar dhe sëfundimi deri ditën e sotme mbante detyrën e Shefit të Sektorit për Rendin dhe Sigurinë në Drejtorinë Vendore të Policisë Dibër.
Kryekomisar Doçi, ka falënderuar Drejtorin e Përgjithshëm të Policisë së Shtetit , për Certifikatën e akorduar si një shenjë respekti dhe vlerësimi për 46 vitet e punës në Polici, si dhe falënderoi gjithë stafin drejtues të Drejtorisë së Policisë Dibër për besimin që i kanë dhënë në kryerjen e detyrës që mbante sëfundmi, si dhe gjithë efektivat për bashkëpunimin dhe mirkuptimin në punë.
Beqir Doçi, ka shërbyer në të gjithë Sektorët e Policisë së Shtetit, ku gjatë karrierës së tij nuk është ndëshkuar asnjëherë me masë disiplinore.
[ngg_images source=”galleries” container_ids=”2626″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post