Ish-kryprokurorja Ina Rama ka dalë sërish në skenë. Ajo kërkon që të jetë pjesë e komisoneve të Vetingut, e më konkretisht është kandidate për komisionin e Apelit.
Sot ajo ka qenë në një mbledhje të Komisionit Parlamentar për Vetingun ku nuk kanë munguar shkëmbimet e batutave.
Flamur Noka ka pyetur Ina Ramën nëse ka pasur njerëz të afërm në sistemin e drejtësisë. Ish kryeprokurorja u shpreh se nuk ka lidhje me asnjë forcë politike dhe gëzon besueshmërinë e publikut.
DEBATI:
Ina Rama: Nuk kam të afërm në sistemin e drejtësisë.
Flamur Noka: Keni lidhje me ndonjë force politike?
Rama: Jo.
Noka-Luan Rames: Je në konflikt interesi, ke të njëjtin mbiemër.
Noka: Gezoni besueshmërinë e publikut?
Ina Rama: Besoj shume. Gjate ushtrimit te funksioneve te mia kam punuar me përkushtim.
Noka: Akuzat ndaj jush bëjnë të humbni besueshmërinë?
Ina Rama: Jo nuk besoj. Nuk ndjehem e politizuar.
Flamur Noka: Jeni skualifikuar nga gjykata e Strasburgut, përse? Keni dijeni për arsyet? Lista u kthye mbrapsht për mos ndjekje të procedurës nga Shqipëria. Arsyet ishin procedurale. Asnjë gjë personale.
Noka: A jeni mirënjohëse ndaj kryeministrit që ngul këmbe t’ju fusi në çdo institucion duke propozuar emrin tuaj?
Ina Rama: Kjo s’ka lidhje me mua.
Noka: Gatë kohës si kryeprokurore keni pasur ceshtje të rëndësishme që jeni akuzuar për përfshirje
Ina Rama: Unë nuk e kam ndjerë veten asnjëherë të politizuar për t’u përfshirë në ceshtje. (E.K/SHUPLAKA)
