Zyra e Komisionerit të Lartë të Kombeve të Bashkuara për Refugjatët (UNHCR) ka njoftuar se që nga fillimi i vitit e deri tani numri i refugjatëve që kanë humbur jetën gjatë përpjekjeve për të kaluar Mesdheun është mbi 1.350, raporton Anadolu Agency.
Zëdhënësi i UNHCR, William Spindler, në një konferencë për mediat në Gjenevë, tha se ekipet italiane dhe libiane të shpëtimit kanë shpëtuar afërsisht 500 refugjatë nga katër gomone dhe anija tragtare “Ohio” në mes të detit Mesdhe.
Ndër të tjera Spindler ka njoftuar se janë të shqetësuar për jetën e refugjatëve të cilët janë nga Nigeria, Bregu i Fildishtë dhe Bangladeshi të cilët po shtohen në numër. (M.D/Shuplaka)
