Ka dalë shifra zyrtare që duhet të paguajë Shqipëria ndaj biznesmenit italian, Françesko Beketi. Portali i specializuar, law360.com shkruan se arbitrazhi ndërkombëtar ka vendosur se Shqipëria duhet të paguajë 111 milionë euro ndaj Beketit.
Biznesmeni italian e paditi qeverinë shqiptare, duke pretenduar se sulmet ndaj biznesit të tij lidhen me faktin se televizioni në pronësinë e Beketit, Agon Channel ka bërë mbulim jo të favorshëm ndaj qeverisë.
Tribunali tha se veprimet e Shqipërisë ndaj kompanisë Agonset nuk ishin ‘ushtrim legjitim i fuqive policore’.
Sipas tribunalit, kjo solli edhe shpronësimin e akuzuesve. Vetë Beketi tha se vendimi e ka gëzuar pasi vjen pas 4 vitesh betejë.
Kurse firma ligjore që e përfaqësoi biznesmenin në arbitrazh, tha se vendimi ishte një kritikë e fortë ndaj sjelljes së paligjshme të autoriteteve shqiptare, të cilat shënjestruan median e lirë.
(E.K/Faxweb.al)
Discussion about this post