Policia e Shtetit ka publikuar pamjet nga një kamerë sigurie ku shfaqen dy personat që kanë sulmuar gazetarin Elvi Fundo para dy javësh.
Ngjarja ndodhi më 8 mars, në rrugën “Asim Vokshi”. Ata shfaqen duke u larguar me shpejtësi nga vendi i ngjarjes.
Gazetari rrëfen se nuk i ka parë agresorët dhe se ata e kanë qëlluar nga mbrapa fillimisht, ndërkohë shton se kanë përdorur edhe mjete të forta.
Dy dhunuesit janë larguar në këmbë” shprehet gazetari, i cili nuk ka mundur të pikasë asnjë detaj nga ata.
“Jam goditur nga pas, pas koke. Nuk kam arritur t’i dalloj se kush ishin. Më kanë goditur në gojë dhe këtë e kam marrë si mesazh që mos fol më”, ka thënë ai.
Gazetari ka evidentuar se ka folur me policinë për dyshimet e tij dhe se po administrohen pamjet filmike të kamerave të sigurisë të bizneseve për rreth zonës ku ndodhi incidenti.
NJOFTIMI I POLICISE
Kërkojmë ndihmën e qytetarëve për të bërë të mundur identifikimin e dy shtetasve, të cilët më datë 08.03.2017, rreth orës 10:30, në rrugën “Asim Vokshi”, pranë stacionit të autobuzave, kanë goditur me mjete të forta shtetasin E. F., i cili ndodhet jashtë rrezikut për jetën.
I lutemi qytetarëve, se për ç’do informacion që mund të kenë në ndihmë, për të bërë të mundur identifikimin e tyre, të kontaktoni në numrin e emergjencave 112 ose në numrat e telefonit 0694110202 dhe 0694100134.
Policia e Tiranës, siguron ruajtien e kofidencialitetit të tyre. (M.D/ Shuplaka)
Discussion about this post