Për përplasjen e Kryeprokurorit Adriatik Llala dhe ambasadorit Donald Lu ka reaguar përmes një deklarate për mediat edhe delegacioni i Bashkimit Europian në vendin tonë.
“Vlerësim të veçantë për ambasadorin Donald Lu. Ne dhe SHBA bashkëpunojmë ngushtë për të mbështetur popullin”, thuhet nga BE.
Deklarata e BE:
Bashkimi Europian ka shprehur vlerësimin më të lartë për angazhimin diplomatik të Ambasadës së SHBA në Tiranë dhe në veçanti të Ambasadorit të SHBA, Donald LU.
BE dhe SHBA bashkëpunojnë ngushtë për të mbështetur popullin shqiptar në krijimin e një sistemi gjyqësor plotësisht të pavarur, të përgjegjshëm, të paanshëm dhe profesional.
Nisja e menjëhershme e Operacionit Ndërkombëtar të Monitorimit, i cili që prej javës së ardhshme do të mbikqyrë rivlerësimin e gjyqtarëve dhe prokurorëve, është një tjetër angazhim i përbashkët BE SHBA. (J.V/Shuplaka)
