Ky është kallëzimi penal i anëtarëve të Grupit Parlamentar të PD në komisionin hetimor për marrëveshjen midis shqipërisë dhe CEZ sha. Më datën 18 prill 2017 anëtarët e komisionit e kanë dorëzuar kallëzimin penal dhe nëpërmjet këtij kallzimi akuzohem penalisht për dëm financiar 650-800 milion euro, kryeministri Edi Rama, ministrat Damian Gjiknuri, Arben Ahmetaj , Shkelqim Cani; avokatja e shtetit Alma Hicka; sekretari i përgjithshëm Engjëll Agaci, dhe grupi negociator.
Duhet të thekojmë që anëtarët e komisionit i janë drejtuar kryeprokurorit Adriatik Llalla, me shkresë zyratre për të filluar procedimin penal. Ata kanë kërkuar realizimin e hetimeve me një grup prokurorësh të specializuar, në bashkëpunim me organe ligjzbatuese apo ekspertë ndërkombëtarë.
Po kështu Kryeministri Edi Rama, ministrat Gjiknuri, Ahmetaj, Cani, avokatja e shtetit Alma Hicka, sekretari i përgjithshëm Engjëll Agaci, dhe grupi negociator akuzohen për shpërdorim detyre. Nga ana tjetër sot, Komisioni Hetimor i CEZ i ka kërkuar prokurorisë që të hetojë ish-kryeministrin Sali Berisha dhe djalin e tij, Shkëlzen Berisha, si persona përgjegjës për privatizimin abuziv të OSSH, i cili u ka shkaktuar taksapaguesve shqiptarë 415 milionë euro dëm ekonomik.
Duhet të sjellim në vëmendje që në kallëzimin e PD-së thuhet se grupi i punës ka marrë përsipër detyrime që nuk provohen se ekzistojnë për shtetin shqiptar, apo të heqë dorë nga detyrime të dokumentuara që CEZ sh.a.i kanë shtetit shqiptar.
Autoritetet publike nuk mund të veprojnë në tejkalim të kufijve që i vendos legjislacioni shqiptar, dhe as nuk mund të falin/heqin dorë, në emër të shtetit shqiptar, nga detyrime financiare që të tretet i kanë organeve publike apo të marrin përsipër të paguajnë në emër të shtetit detyrime që nuk ekzistojnë.
DETAJE NGA KALLËZIMI:
Nga analiza e plotë e dokumentacionit të administruar nga komisioni hetimor, rezulton se procesi i “negociatave”, defacto është shndërruar nga pala shqiptare në proces të dëmtimit me dashje të interesit publik
Komisioni hetimor ka konstatuar se nuk është realizuar një procesi ligjor negociimi, por një “pazari” i qëllimshëm dhe i paligjshëm, që ka dëmtuar rëndë dhe në mënyrë të pakthyeshme interesat e ligjshme të shtetit shqiptar
Nga hetimi i komisionit rezulton se janë evidentuar fakte dhe prova të reja, të pa verifikuara dhe të pa hetuara nga organi i prokurorisë, të cilat vetëm ose së bashku me ato që janë vlerësuar njëherë, tregojnë qartësisht se jemi përpara rastit klasik të shpërdorimit të detyrës
Falja e të paktën 650-800 milionë euro dhe dhënia e rreth 95 milionë euro të tjera shoqërisë cez sh.a., është një akt antikushtetues dhe antiligjor.
Kallëzimi shoqërohet me 53 prova që dëshmojnë abuzimin me detyrën.
Qeveria ka shpërfillur analizën tekniko-financiare të ekspertëve ndërkombëtar dhe këshillimin e avokatit ndërkombëtar të Shqipërisë.
Prokuroria ka regjistruar kallëzimin dhe ka kërkuar nga Kuvendi dokumentacionin e komisionit dhe procesverbalet e pyetjes së dëshmitarëve.
(J.V/Shuplaka)
[ngg_images source=”galleries” container_ids=”1646″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
