Dembacaj ja bën të qartë bashkëshortit: Në rast se më tradhëton, sigurohu mirë të zhdukesh nga Shqipëria

Aktorja e humorit Rudina Dembacaj arrin mjaft mirë që dhe në jetën e saj personale dhe familjare të ketë ca doza humori.

Në një intervistë për programin “Lart e Poshtë” në RTSH1, ajo ka zbuluar se çfarë rrengu i punoi Aleksi për ta çuar tek vendi ku ishte organizuar surprizë me rastin e ditëlindjes pak javë më parë.

Ajo thotë se ai kishte shpikur një histori me polici, ndërkaq nuk e fsheh lumturinë për suprizën.

 “Shpiku një gjë: tre punëtorët e tij i kishte kapur policia, ku di unë, me polici, me gjëra, dhe i thashë nuk e di pse po më vjen me qesh o zotëri, s’bëhem dot me nerva… me nerva për faktin, por u bëra me nerva pse po merreshim kaq shumë me këtë histori. Gjithsesi ishte surprizë shumë e bukur… “, tha ajo.

Ndër të tjera, Rudina tha se ka arritur të kuptojë që Aleksi “arrin shumë mirë të më fshehë gjëra dhe tani e tutje do ta monitoroj”, por nëse një ditë mund ta tradhtote, të gjejë vend të futet: “Në rast se do më tradhtonte vërtet, duhet të sigurohet që të zhduket nga Shqipëria, se nuk e di ça do t’i bëja. Përveç se do ta ndaja, e di vetë ai”, tha ajo me të qeshur për “Lart e poshtë”. (E.K/SHUPLAKA)