Dëmet që la pas tërmeti i fuqishëm që goditi vendin më 26 nëntor janë të shumta. Faxweb.al mëson se Prokuroria ka nisur hetimin dhe verifikimin për dëmet dhe pasojat që la tërmeti i fuqishëm që goditi vendin.
Prokuroria e Tiranës dhe Prokuroria e Durrësit, do të marrin në dorëzim të gjithë dokumentacionin për pallatet që janë shembur, dhe ato që klasifikohen se do të shemben.
Grupet eksperte ndodhen në vendet që kanë dëmtime, dhe për të nxjerë shkaqet dhe njerëzit përgjegjës, për ndërtimet e dobëta të ndërtuara në Krujë dhe Durrës
Në fokus të hetimit do jetë dhe verifikimi në teren i kateve shtesë, duke shkelur kështu jo vetëm kriteret e lartësisë të miratuara në bashki, por edhe duke falsifikuar projektin dhe aktin kolaudues përfundimtar të banesës.
Tërmeti 6.4 i shkallës rihter, i mori jetën 51 persona dhe la mbi 900 të plagosur.
