Plot 235 banesa janë dëmtuar nga tërmeti i fortë me magnitudë 5.1 ballë i shkallës rihter i cili tronditi vendin një ditë më parë, me epiqendër në fshatin Macukull të Dibrës.
Drejtori i Emergjencave Civile, Haki Çako ishte sot për të inspektuar nga afër dëmet e shkaktuara dhe në një prononcim për median bëri dhe një bilanc të banesave të dëmtuara.
“Deri tani janë 215 banesa të dëmtuara në bashkinë Mat, Bulqizë, Klos dhe Mirditë. Dëmet më të mëdha janë në Mat ku 4 banesa janë tërësisht të pabanueshme. Ka dëmtime të konsiderueshme në banesa. Janë ngritur grupet e konstatimit. Në bashkinë Mat janë 8 grupe, në bashkinë Klos, Mirditë dhe Bulqizë janë ngritur nga 4 grupe. Në Mat janë 90 banesa të dëmtuara pjesërisht , 4 banesa plotësisht të pabanueshme. Në Bulqizë janë dëmtuar 47 banesa. Në Klos janë dëmtuar 36 banesa dhe në Mirditë janë dëmtuar 38 banesa .
Drejtori i Emergjencave Civile u shpreh se janë angazhuar të gjitha strukturat për t’i ardhur në ndihmë banorëve të prekur nga tërmeti.
Discussion about this post