Presidenti i Partizanit, Gazmend Demi, ka reaguar ashpër pas vendimit që Komisioni i Disiplinës dha për trazirat në ndeshjen kundër Kukësit, ku dënoi me 4 ndeshje pa tifozë Partizanin dhe vetëm me gjobë Kukësin.
Në një intervistë dhënë për “SportNews” Demi deklaron se nuk mund të pajtohet me ate që ai e cilëson maskaradë të FSHF-në dhe të presidentit të saj
“Ky nuk është vendim, është një maskaradë me plot kuptimin e fjalës sepse nuk mund të ketë vendim ku bujtësi të dënohet dhe mos të dënohet pritësi sikundër na ndodhi ne në deri që për dy shihe ujë u dënuam me një ndeshje, ndërsa në Kukës tifozëria vendëse çfarë nuk hodhi në fushë. Këtu maskarada fillon që nga ata që dërgon federata atje se çfarë raporti kanë dorëzuar. Situata atje ka qenë e tensionuar dhe pasi e kam vërtetuar si problem, tifozëria e Partizanit është pothuajse e pafajshme. Unë nuk kam dashur të merrem me këtë punë, por kjo tregon që këtu nuk ka federatë, ka një paçavure, ku emrin e kësaj federate e ka ai kryetari i federatës. Ai i bën të gjitha këto. Ne do ta ndjekim si klub dhe do ta vazhdojmë me mënyrë demokratike sepse nuk mund ta nënshtrojnë Partizanin disa rrugeçër të kësaj federate që rastësisht drejtojnë futbollin shqiptar” tha ai. (M.D/ Shuplaka)
