Prej disa ditësh situata e zjarreve në vendin tonë nuk paraqitet aspak e favorshme. Ndërkaq ministri i Brendshëm, Dritan Demiraj, ka zbarkuar në terren për të ndjekur situatën e zjarreve me të cilat po përballet vendi.
Ai ka qenë sot në Rragam të Shkodrës, ku inspektoi vatrën e zjarrit në zone, që nuk është mundue të shuhet prej disa ditësh.
“Arsyeja e ardhjes është situata e jashtëzakonshme e zjarreve në vend. Janë 90 vatra zjarresh në të gjithë vendin”, deklaroi Demiraj.
Ministri tha po ashtu se të gjitha strukturat janë të mobilizuara për të përballuar këtë emergjencë. Për shuarjen e tyre po asiston edhe pushteti vendor dhe helikopterët Viva të kontraktuara nga Emergjencat Civile.
Po kështu Demiraj tha se është kërkuar ndihmë edhe nga fqinjët e Greqisë dhe NATO.
Nga ana tjetër Ministri shprehu vendosmërinë për të ndjekur të gjitha rastet e zjarrëvënieve të qëllimshme.
Paralajmërimi ishte i qartë: “Do të vihen para përgjegjësisë të gjithë autorët e zjarrvënieve”. Kujtojmë se një person u arrestua sot nga poilicia e Shkodrës nën akuzën për zjarrvënie të qëllimshme.
(E.K/SHUPLAKA)
Discussion about this post